Börn smita ekki

Eða var það ekki ástæðan fyrir að leikskólunum var haldið opnum?

Að menn sem reyna að halda aftur af bráðsmitandi veiru skuli ekki sjá það í hendi sér að leikskóli og börn séu mögulegur smitstaður er sérstakt.

Að mínu áliti geta börn og staðir þar sem þeim er hópað saman verið all varasamir í faraldri sem þessum.

Þau í fyrsta lagi sýna minni einkenni en fullorðnir og í öðru lagi eru handfjötluð stanslaust allan liðlangan daginn. Þau snerta gjarnan hluti og það mikið að þau þurfa helst að snerta alla hluti sem þau koma nálægt og jafnvel sleikja þá. Á sama tíma eru þau stanslaust með hendurnar í andlitinu á sér eða öðrum og með puttana þá annað hvort í nefinu eða munninnum. Og jafnvel þó að þau væru ekki smituð er lítið mál fyrir þau að vera dreifingaraðili af óværunni með snertingunni einni saman.

Þau eru svona einsog hveitipokar sem ganga á milli manna og allir þurfa að handfjatla og leggja munninn við. Maka þeim aðeins í andlitið á sér til að athuga mýktina áður en þeir eru sendir á stað þar sem þeir fá að rúlla og velta saman í heilan dag. Þessir hveitipokar eru með áfast nef og munn og geta því borið smit þar líka.

Á staðnum er passað uppá að hveitipokarnir snerti helst hvern annan oft og snerti líka sama hlutinn minnst einu sinni og kannski stingi honum uppí munninn eða jafnvel uppí í nefið sem er áfast við þá.

Eftir að hafa velkst saman allan daginn eru þeir aftur teknir inn á heimilin þar sem fjölskyldumeðlimir handfjatla þá svo og setja við munninn á sér hver í kapp við annann.

Um helgar þegar staðnum sem þeir velkjast daglega saman á er lokað er þeim gjarnan komið fyrir í húsum þar sem eldra fólk sem ekki á hveitipoka fá að nudda munninum á sér við þá.

Það er því all sennilegt tel ég að þeir sem handleika svona hveitipoka sem fara á þessa staði séu í talsvert meiri hættu á að næla sér í óværu ef við miðum við allt sem reynt er til að tryggja að óværan fari sem auðveldast á milli.

 

Ráðlegg ég þess vegna að í bráðsmitandi veirufaraldri sem þessum sé betra að halda litlu sætu hveitipokunum okkar á einum stað, sem sagt heima.  

Sex börn yngri en ársgömul hafa greinst með veiruna

Athugasemdir

[Vagn (IP-tala skráð) 3.4.2020 kl. 02:20]

Maður mundi halda það, ef maður vissi ekkert um hvernig vírusinn hagar sér og dreifir. Og af því að maður veit ekkert þá bloggar maður eins og enginn sé morgundagurinn.

[Ágúst Kárason, 3.4.2020 kl. 07:21]

Sæll Vagn og takk fyrir gáfulegt innlegg! Við höfum nokkuð góða þekkingu á því hvernig krakkar þvælast á milli staða en það hefur ekki ennþá verið gerð nein klínísk rannsókn á því hvort að covid-19 smit berist á milli ef að sýkt manneskja handleikur krakka og eða kyssir hann á alla vegu.

Hvort covid-19 festist síður á krökkum undir vissum aldri er líka ekkert vitað um en þar sem við vitum hvorki hvort smit berist síður með krökkum eða ekki þá er vissara að halda þeim frá stöðum þar sem þeir gætu nælt í þetta svona rétt á meðan smit er í samfélaginu.

[Vagn (IP-tala skráð) 3.4.2020 kl. 19:59]

Það er málfræðilega rangt að tala um sjálfan sig í fleirtölu.

[Ágúst Kárason, 4.4.2020 kl. 01:25]

Það er hárrétt hjá þér Vagn!