Og þá þarf að huga að því sem átti að gera í upphafi.

Þegar öll ný smit hafa stöðvast munu Íslensk stjórnvöld neyðast til þess að gera það sem átti að gera í upphafi og áður en faraldurinn kom til landsinns en það er að setja á öflugt eftirlit við landamærin og strangt eftirlit með smitlausum landshlutum til að þetta fari ekki aftur af stað sem mér finnst nú samt líklegt að gerist. Við nefnilega getum ekki lokað fólk inni hjá sér svo mánuðum skipti.

Þá hefur þeim tekist að vinna þetta ferli allt áfturábak með tvöfalt meiri vinnu, margfalt fleiri smitum og dauðsföllum.

Allir sem koma til landsinns á komandi mánuðum verða líklega að fara í sýnatöku eða tveggja vikna sóttkví til að hindra að smit komi upp aftur, og það er eðlilegt að gera svoleiðis þegar svona árar.

Ef þetta verður ekki gert verður þetta endalaust basl þar sem bæði innlendir og erlendir ferðamenn halda áfram að bera þetta inn og þar sem aðeins lítill hluti landsmanna er ennþá ósnertur af þessari veiru þá getur þetta auðveldlega komið upp aftur.

Ég trúi því varla að þeir ætli ekkert að gera varðandi smit sem koma erlendis frá þar sem það viðheldur ástandinu, en þar sem ekkert var gert í upphafi, hver veit nema þeir opni allt aftur og haldi að allt verði í lagi.

Það merkilega er að á sama tíma og verið er að lofa glæsilegan árangur af sóttvörnum á Íslandi erum við af 212 þjóðum og miðað við höfðatölu í 5 sæti yfir flest smit og í 28 sæti yfir flest dauðsföll!

Ekki hreint glæsilegur árangur þar.

 

Faraldurinn er á niðurleið