Drepsótt eða kvef ???

Nei nú er komið nóg. Læknar eiga erfitt með að greina á milli drepsóttar sem á að vera að setja heimsbyggðina á annan endann og kvefs???

Er dáleiðslan ennþá svo djúp að menn átta sig ekki á að þvingaðar sprautur á þriggja mánaða fresti, grímur, lokanir, aðskilnaður, sóttkví, sektir og fangelsi,  til að halda í skefjum kvefpest sé kannski helst til of mikið?

Er kvef núna komið í flokk með drepsóttum? Verður fólk sem ekki hefur fengið kvefsprautuna á síðustu 3 mánuðum í framtíðinni útskúfað úr samfélagi þeirra viljugu? Hvað þarf til svo að fólk átti sig á aðstæðunum sem það er búið að skapa sér? 

Mér sýnist að flestir séu gjörsamlega grunlausir um hvað er í vændum og hávær varnaðarorð á síðustu 2 árum hafa því miður ekki náð í gegn. Sýnir hvað áróður getur verið gríðarlega áhrifamikill ef þáttaka meginstraums fjölmiðla ýtir undir áróðurinn en talar gegn sannleikanum, sem alltaf heyrist en er þó sniðgengin. Þögn þeirra sem vita og háreysti þeirra fáfróðu er skaðleg.

Í lokin, það er sagt að það sé auðveldara að plata manneskju en að fá hana til að viðurkenna að hún hafi verið plötuð. Ég sé það vel núna að það er satt.

-Gleðileg Jól!

Inflúensan ekki farin að herja

Athugasemdir

[Þorsteinn Siglaugsson, 25.12.2021 kl. 20:22]

Fyrir um 400 árum voru flestöll samfélög Evrópu undirlögð af ótta við eitthvað sem var ekki einu sinni til, áratugum saman, í allt í meira en hundrað ár; galdra.
Kvef er þó í það minnsta til, svo ef ótti við galdra getur lagt allt á hliðina í hundrað ár lofar það ekki góðu þegar kemur að einhverju sem er þó í það minnsta til.