Lyktaði hann ekki nóg?

Eina leiðin til að skaðast af hákarlaáti er að éta hann ferskan og því lyktsterkari og ógeðslegari sem hann er því betra er að éta hann. Þegar ég var lítill þá heyrði ég að það þyrfti að míga á hann til að gera hann betri. Framleiðandinn hefur líklega ekki haft vitneskju um þá framleiðsluaðferð og því fór sem fór.

Og viðskiptavinir beðnir um að farga honum? Það er algjör óþarfi því að varan er greinilega ekki tilbúin. Þeir þurfa bara að pissa á hann og grafa hann síðan í jörð og hafa hann þar í nokkra mánuði þar til að hann verður orðin vel úldin og málið er leyst.

Það er líka eitthvað við nafnið sem gefur vörunni vissan ferskleika blæ sem má alls ekki þegar um kæsta hákarla vöru er að ræða. Nafnið a vörunni hefði þyrft að vera betra. "Fílu hákarl" eða "Ýldu hákarl" eða jafnvel "Vel Úldin Hákarl í boxi" hefði ekki vakið upp neinn grun hjá heilbrigðiseftirlitinu. "Úrvals Hákarl" fær mann til að staldra við og hugsa hvort það gæti verið hættulegt að borða hann.  

Innkalla hákarl

Athugasemdir

[Magnús Sigurðsson, 12.2.2022 kl. 10:02]

Sæll Ágúst, skemmtileg saga af hákarlsverkun, var fræddur á því sama í bernsku. Einnig mun það vera hárrétt að því ferskari sem hákarlinn er þeim mun hættulegri til átu.

En þarna er um annarskonar innköllun að ræða, líklega ekkert að úrvals hákarlinum; "Ástæða inn­köll­un­ar er sögð sú að fram­leiðand­inn er ekki með starfs­leyfi fyr­ir fram­leiðslunni og því ekki hægt að tryggja mat­væla­ör­yggi."

Klaninu hefur semsagt ekki verið greitt leyfisgjald fyrir að fá að verka hákarlinn, -þetta er jú sama sýstem og Mafían var með í bíómyndunum í gamladaga.

[Ágúst Kárason, 13.2.2022 kl. 04:21]

Alveg rétt hjá þér Magnús, það er ekkert að Úrvals hákarlinum þetta var meira í gríni gert heldur en annað. Fyrirsögnin á fréttinni fékk mann til að lyfta brúnunum. Ég myndi ekki farga svona gómsætri vöru útaf skriffinsku vandamáli því mér finnst hákarl afskaplega góður og því kæstari því betri. Ekki í vafa um að þeir sem að eru á bakvið Úrvals hákarl kunni sitt fag.

[Magnús Sigurðsson, 13.2.2022 kl. 10:05]

Það er einmitt málið Ágúst,hákarl er góður og fáir sem kunna þar til verka.

þeim sem ekki hafa hundsvit á hákarlsverkun hafa ekki fengið greiddan sinn skerf í þessu tilfelli og þar stendur hnífurinn í kúnni.

Auðvitað hefði átt að nægja að Ó. John­son & Kaaber úrskurðaði hákarlinn boðlegan enda hafa þau ekki haga af öðru en setja fram frambærilega vöru. Því betur fær um að hafa eftirlit en heilbrigðiseftirlit Reykjavíkur.

En nei skrifstofublókunum sem hafa jafnvel ekki hugmynd um hvað góður hákarl er skulu fá greitt sitt á öllum vígstöðvum, og ef ekki þá er vörunni fargað, -með öðrum orðum Mafía.